ប៉ូលីសថៃមិនទាន់បញ្ជូន«យោធាកម្ពុជា» ដែលបើកឡានចូលដីថៃនិងមានអាវុធ ត្រឡប់មកវិញទេថ្ងៃទី 6 ខែវិច្ឆិកាឆ្នាំ 2022
វេបសាយថៃបានផ្សាយនៅព្រលប់នេះថា«ប៉ូលីសខេត្តស្រះកែវថៃមិនទាន់បញ្ជូន វរសេនីយឯកសុខ បានផល ដែលស្រវឹងបើកឡានទំនើបចូលទឹកដីថៃព្រមទាំងកាន់កាំភ្លើងច្រង៉េងច្រង៉ាង ពេលប៉ូលីសថៃឡោមព័ទ្ធ នោះ ត្រឡប់អោយភាគីកម្ពុជាវិញទេ។ក្រោយចាប់ខ្លួនថៃបានបញ្ជូនយោធារូបនេះទៅពិនិត្យសុខភាពរាងកាយនិងបានដាក់បទចោទប្រកាន់លើរូបលោកវរសេនីយឯកសុខ បានផល ចំនួន4បទចោទៈទីមួយ លួចចូលទឹកដីថៃដោយខុសច្បាប់។ទីពីរ នាំយានពាហនៈឬទំនិញចូលប្រទេសដោយមិនឆ្លងនីតិវិធីគយថៃ ទីបី រារាំងឬតតាំងនឹងប្រតិបត្តិការរបស់សមត្ថកិច្ហពេលចុះចាប់ និងទីបួន កាន់អាវុធនៅទីសាធារណៈ ដោយគ្មានច្បាប់អនុញ្ញាតិ៕
